Ny dagleg leiar er på plass
Jofred-Arne Vallestad er ny dagleg leiar i Maskinsenteret.
Frå 1. mars 2026 tok Jofred-Arne Vallestad over rolla som dagleg leiar i Maskinsenteret Vestland AS.
Jofred-Arne har allereie god kjennskap til verksemda vår. Han starta si karriere som lærling i landbruksmekanikarfaget hjå oss, og har sidan opparbeidd seg brei erfaring frå anleggsbransjen.
Gjennom fleire år har han arbeidd som reisemekanikar, innan teknisk support, med sal av maskiner og utstyr, og i leiande roller.
Med si breie kompetanse og inngåande kjennskap til både bransjen og verksemda, meiner me at Jofred-Arne er den rette personen til å leie Maskinsenteret vidare. Han kjenner kundane, marknaden og organisasjonen – og er i tillegg ein likandes og engasjert kar som me set stor pris på å ha med på laget.
Jofred-Arne har tilhaldsplass i Førde, og er i Sogndal ved behov.
Me ser fram til vegen vidare med Jofred-Arne som dagleg leiar!
